Gopichand Padalkar | जतमध्ये गोपीचंद पडळकरांना भाजपमधूनच विरोध
सांगली जिल्ह्यातील जत तालुक्यात विधानसभा निवडणूक साठी गोपीचंद पडळकर इच्छुक आहेत. मात्र, जत तालुक्यातील भाजप नेत्यांकडून त्यांना विरोध केला जात आहे. शुक्रवारी उपमुख्यमंत्री देवेंद्र फडणवीस यांची भेट घेत पडळकरांच्या जतमधील उमेदवारीला विरोध केला आहे.
माजी खासदार संजयकाका पाटील यांच्या नेतृत्वाखाली भाजपाला सोडचिट्टी दिलेले माजी आमदार विलासराव जगताप, तमनगौडा पाटील यांच्यासह दुष्काळी जतच्या नेत्यांनी उपमुख्यमंत्री देवेंद्र फडणवीस यांची भेट घेतली आहे.
तर यावेळी विलासराव जगतापांनी फडणवीसांकडे आपल्या उमेदवारीची मागणी केली. नाहीतर पडळकरांऐवजी अन्य भूमिपुत्राला उमेदवार देण्याची मागणी केली आहे. तमनगौडा रवीपाटील व समर्थकांना देखील उमेदवारीची मागणी करत पडळकरांना उमेदवारी दिल्यास बंडखोरीचा इशारा दिला आहे. गोपीचंद पडळकरांच्या ऐवजी भूमीपुत्राला उमेदवार देण्याची मागणी केली आहे.
