विधानसभेसाठी काँग्रेसच्या 'या' बड्या नेत्यांच्या 11 सभा होणार

थोडक्यात

• विधानसभेसाठी काँग्रेसच्या बड्या नेत्यांच्या 11 सभा होणार

• राहुल गांधी, प्रियंका गांधी, मल्लिकार्जुन खर्गे यांच्या सभा होणार

• या सभेला ठाकरे गट आणि शरद गटातील प्रमुख नेतेही उपस्थित राहणार

विधानसभा निवडणुकीसाठी सर्व राजकीय पक्ष जोरदार तयारीला लागले आहेत. निवडणुकांचे बिगुल वाजलं आहे. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.

राजकीय पक्ष अनेक बैठका, पत्रकार परिषद, सभा घेत आहेत. याच पार्श्वभूमीवर विधानसभेसाठी काँग्रेसच्या बड्या नेत्यांच्या 11 सभा होणार असल्याची माहिती मिळत आहे. राहुल गांधी यांच्या 3 सभा, प्रियंका गांधी यांच्या 3 सभा तर मल्लिकार्जुन खर्गे यांच्या 5 सभा महाराष्ट्रात होणार आहे.

या सभेला ठाकरे गट आणि शरद गटातील प्रमुख नेतेही उपस्थित राहणार असून महाराष्ट्रातील विधानसभा निवडणुकीसाठी लोकसभेतील विरोधी पक्षनेते राहुल गांधी हे 12, 14 व 16 नोव्हेंबर रोजी प्रचारसभा घेणार आहेत. 13, 16 व 17 नोव्हेंबरला प्रियंका गांधी या सभा घेणार असून मल्लिकार्जुन खरगे हे 13 ते 18 नोव्हेंबर पाच दिवस सभा घेणार आहेत.