Pune Crime: पुण्यातील कात्रज परिसरातील धक्कादायक घटना, 21 लाखांचे मेफेड्रोन जप्त

पुण्यातून 21 लाखांचे मेफेड्रोन जप्त करण्यात आले आहे. कात्रज परिसरातील धक्कादायक घटना घडली आहे. गुन्हे शाखेच्या पथकाकडून राजस्थानमधील दोघांना अटक केल्याची माहिती समोर आली आहे. दरम्यान आरोपीकडून 22 लाख 58 हजारांचा मुद्देमाल जप्त केला आहे. कात्रज परिसरात मेफेड्रोन (एमडी) विक्री करण्यासाठी आलेल्या राजस्थानमधील दोन तरुणांना गुन्हे शाखेच्या अमली पदार्थ विरोधी पथकाने अटक केली.

आरोपीच्या ताब्यातून 21 लाख 38 हजार रुपयांचे 106 ग्रॅम मेफेड्रोनसह दुचाकी असा 22 लाख 58 हजार रुपयांचा मुद्देमाल जप्त केला आहे. श्रवणसिंग बलवंतसिंग राजपूत (वय 22, मूळ रा. नयानगर, जि. बाडमेर, राजस्थान) आणि महेश पुनाराम बिश्नोई (वय 20, मूळ रा. कुशलावा, जि. जोधपूर, राजस्थान) अशी अटक केलेल्यांची नावे आहेत. हे दोघे सध्या खराडी परिसरातील तुळजाभवानी नगरमध्ये राहतात.