Siddhivinayak Temple : धक्कादायक! सिद्धिविनायक मंदिरात पैसे घेऊन देवदर्शन

मुंबईसह देशभरातील नागरिकांसाठी श्रद्धास्थानी असणाऱ्या श्री सिद्धिविनायक गणपतीच्या दर्शनासाठी दर दिवशी भाविकांची मोठी रांग पाहायला मिळते. पण, याच सिद्धिविनायक मंदिरामध्ये देवाच्या दर्शनाच्या नावाखाली भाविकांची फसवणूक केली जात असल्याची खळबळजनक बाब नुकतीच उघडकीस आली आहे. मुंबईच्या सिद्धिविनायक मंदिरात पैसे आकारत सिद्धिविनायकाचं VVIP दर्शन देणाऱ्यांच्या रॅकेटचं बिंग फुटलं आणि अनेकांना धक्काच बसला. सदर प्रकरणी पोलिसांनी अनोळखी व्यक्तीविरोधात गुन्हा दाखल केला असून आता या रॅकेटमध्ये किती जणांचा सहभाग आहे याचा पोलीस शोध घेत आहेत.