Shivsena: शिवसेनेच्या वर्धापनदिनानिमित्त शिवसेनेकडून बॅनरबाजी

शिवसेनेचा उद्या 58वा वर्धापन दिन आहे. तर वर्धापन दिनानिमित्त दादर ते वरळीपर्यंत झेंडे लावले गेले आहेत. दादर टीटी ब्रीजवर बॅनरबाजी करण्यात आली आहे. शिवसेनेचा 58वा वर्धापन 19 जून रोजी होणार आहे. 'वाघाने वाघासारखं वागावं भगवं आहे रक्त गर्वाने सांगावं' बॅनरवर लिहलेल्या या मजकूरावर सगळ्यांचे लक्ष वेधले जात आहे.

उद्याचा वर्धापन दिन हा शिवसेनेच्या दोन्ही गटाकडून साजरा करण्यात येणार आहे. ठाकरेंचा वर्धापन दिन हा 6:30 वाजता षण्मुखानंद हॉलमध्ये होणार आहे. तसेच शिंदे गटाचा वर्धापन दिन 5 वाजता एन एस आय डोमला साजरा होणार आहे. शिवसेनेच्या फुटीनंतर हा दुसरा वर्धापन दिन आहे.