Sanjay Raut On shivaji maharaj statue collapse : संजय राऊतांचा अदानींवर हल्लाबोल

छत्रपती शिवाजी महाराजांच्या पुतळ्याच्या विटंबनेवरून खासदार संजय राऊतांनी हल्लाबोल केला आहे. छत्रपती शिवाजी महाराजांच्या पुतळ्याची विटंबना झाली त्यावर भाजपमधील बोगस शिवप्रेमींच काय मत आहे? असा प्रश्न संजय राऊत यांनी उपस्थित केला आहे. लाडक्या उद्योगपतींकडून महाराजांचा अपमान केला गेला असं म्हणत संजय राऊत यांनी अदानींवर निशाणा साधला आहे.

संजय राऊत म्हणाले की, महाराष्ट्राच्या राजधानीमध्ये छत्रपती शिवाजी महाराजांच्या पुतळ्याची अशा प्रकारे विटंबना भाजपच्या लाडक्या उद्योगपतींकडून होत असेल तर ती अत्यंत गंभीर आणि चिंतेची बाब आहे. छत्रपती शिवाजी महाराजांविषयी श्रद्धा नाही, प्रेम नाही, महाराष्ट्राविषयी अभिमान नाही, कदाचित यापूढे छत्रपती शिवाजी महाराजांचे फोटो काढून आपल्या कार्यालयात आणि घरामध्ये अदानीचे फोटो आणि पुतळे लावतील ही यांची अवस्था झालेली आहे.

राज्यपाल कोश्यारी, प्रफुल्ल पटेल अशा अनेक लोकांनी महाराजांचा अपमान केला आहे. छत्रपती शिवाजी महाराजांचा अपमान करणारा प्रत्येक जण हा भाजप पक्षात आहे, यावरून तुम्ही समजून जा की यांना छत्रपती शिवाजी महाराजांबद्दल किती आदर आहे.