Hingoli : हिंगोली जिल्ह्यात बंदला प्रतिसाद, जरांगे पाटलांच्या समर्थनार्थ बंदची हाक

सकल मराठा समाज बांधवांच्या वतीने आज महाराष्ट्र बंदची हाक देण्यात आली आहे. हिंगोली जिल्ह्यांमध्ये देखील बंदाला चांगला प्रतिसाद मिळत आहे. हिंगोली शहर सोडून वसमत कळमूरी औंढा नागनाथ सेनगाव या पाचही तालुक्यामध्ये आज बंद पाळण्यात आला आहे, अनेक ठिकाणच्या बाजारपेठा बंद करण्यात आल्या आहेत. हिंगोली आगारामधून मानव विकास मिशनच्या 21 बसेसद्वारे दिवसभरात तब्बल 276 फेऱ्या होत असतात. परंतु बसेस व विद्यार्थ्यांच्या सुरक्षेच्या दृष्टिकोनातून 276 फेऱ्या रद्द करण्यात आल्या असून सर्व बसेस हिंगोली आगारात लावण्यात आल्या आहेत.