Pune : पुणे पोलिसांना आव्हान देणाऱ्या रिल्सबाजाला बेड्या

पुणे: पुणे पोलिसांना आव्हान देणाऱ्या रिल्सबाजाला अवघ्या काही तासांत बेड्या ठोकण्यात आल्या आहेत. रिल्स बनवून पोलिसांनाच आव्हान देणाऱ्या आरोपी पवन भारतीला गुन्हे शाखेकडून अटक करण्यात आली आहे. हडपसरमध्ये गुन्हेगारी चालत असल्याचं पवन रिल्समध्ये सांगत होता.

सोशल मीडियावर पवनचा रिल व्हायरल झाल्यानंतर गुन्हेशाखेच्या युनिट सहाचे पोलीस कर्मचारी नितीन मुंढेंनी पवनला एमआयडीसी परिसरातून अटक केली आहे. काही तासांपूर्वी पोलिसांना आव्हान देणाऱ्या पवनला पोलिसांनी उठाबशा काढायला लावल्या आहेत.