Ayodhya PM Modi : राम मंदिर विकसित भारताचा साक्षीदार असेल : पंतप्रधान

अयोध्या : राम अग्नी नसून ऊर्जा आहे. तो भारताचा आधार आणि विचार असल्याचे पंतप्रधान नरेंद्र मोदी यांनी म्हटले आहे. राममंदिरात रामलल्लांची प्राणप्रतिष्ठा पंतप्रधान मोदी यांच्या हस्ते करण्यात आली आहे. यानंतर ते बोलत होते.

मलाही प्रभू रामाकडे क्षमा मागायची आहे. आपल्या त्याग आणि प्रयत्नांमध्ये अशी काही कमतरता होती की आपण हे काम इतक्या शतकांपासून करू शकलो नाही. आज ती उणीव भरून निघाली आहे. माझा विश्वास आहे की. देव मला नक्कीच माफ करेल, असेही त्यांनी म्हंटले आहे. आमच्या अनेक पिढ्यांनी वियोग सहन केला आहे. प्रभू रामाच्या न्यायासाठी प्रदीर्घ लढाई झाली. न्यायव्यवस्थेने न्यायाचा मान राखला आहे. आता कालचक्र पुन्हा बदलेल. ही केवळ विजयसाठीच नाही तर विनयसाठीही संधी आहे, असेही पंतप्रधान मोदी म्हणाले आहे.