Amol Mitkari Worli Banner: वरळी विधानसभेतील राष्ट्रवादीचे बॅनर चर्चेत

वरळी विधानसभेतील राष्ट्रवादीचे बॅनर चर्चेत आले आहेत. अमोल मिटकरी यांना उमेदवारी देण्याचे बॅनर वरळीमध्ये झळकलेले आहेत. तर वरळीमध्ये पुन्हा घड्याळ येणार अशा आशयाचे हे बॅनर आहेत. वरळीमध्ये सध्या आदित्य ठाकरे जे उद्धव बाळासाहेब ठाकरे शिवसेनेचे आमदार आहेत आणि अशातचं याठिकाणी अजित पवार राष्ट्रवादीचे अमोल मिटकरी हे आमदार होणार अशा पद्धतीचे बॅनर लावले गेले आहेत.

त्यामुळे त्यांना याठिकाणी उमेदवारी मिळवून दिली जाणार का अशी चर्चा सुरु आहे. पण अमोल मिटकरी यांचा पक्ष राष्ट्रवादी हा सध्या सत्ताधारी असून तो महायुतीमध्ये आहे. त्यामुळे महायुतीमधून वरळी मतदार संघ अजित पवारांच्या राष्ट्रवादीला मिळणार का आणि त्यानंतर अमोल मिटकरी उमेदवार असणार का? अशा चर्चा सुरु झाल्या आहेत. तसेच मनसे नेते संदीप देशपांडे हे देखील वरळीमधून निवडणूक लढवण्यासाठी इच्छुक आहेत.