Nawab Malik : BJPच्या विरोधानंतरही नवाब मलिक राष्ट्रवादीत; भाजपची प्रतिक्रिया

नवाब मलिक अजितदादांच्या राष्ट्रवादीत आहेत हे आता स्पष्ट झाले आहे. भाजपच्या विरोधाला राष्ट्रवादीने या दाव्यानंतर केराची टोपली दाखवली आहे का? अशी जोरदार चर्चा सुरु आहे. कारण नवाब मलिक राष्ट्रवादीतच असल्याचे राष्ट्रवादी कॉंग्रेसचे प्रवक्ते सूरज चव्हाण यांचा दावा आहे. सूरज चव्हाण यांच्या दाव्याने भाजप-एनसीपीतील वाद चव्हाट्यावर आलेला आहे. भाजपचा विरोध असताना सुद्धा नवाब मलिक अजित पवारांसोबतच का? अशी चर्चा सुरु आहे. नवाब मलिकांना महायुतीत घेऊ नका असे देवेंद्र फडणवीस आणि भाजपने सांगितले होते तरीदेखील भाजपचा विरोध जुगारुन राष्ट्रवादीने नवाब मलिक हे राष्ट्रवादीतच असल्याचे सांगितले आहे. भाजप सूचना करु शकतं पण कोणाला पक्षात ठेवायचे आणि कोणाला नाही हा निर्णय अजित पवार यांचा आहे असही सांगून भाजपच्या सूचनेला एकप्रकारे किंमत देत नसल्याचे राष्ट्रवादीने स्पष्ट केले आहे.