नंदुरबार जिल्ह्याला मुसळधार पावसाने झोडपले; अनेक नदी-नाल्यांना पूर

नंदुरबार जिल्ह्याला मुसळधार पावसाने झोडपले आहे. नंदुरबारमध्ये मुसळधार पाऊस कोसळत आहे. अनेक नदी-नाल्यांना पूर आला आहे. झरीपाडाजवळील नेसू नदीवरील पूल पाण्याखाली गेला असून पूल पाण्याखाली गेल्याने अनेक वाड्या वस्त्यांचा संपर्क तुटला आहे.

जीव मुठीत घेऊन ग्रामस्थांचा मुलांना खांद्यावर बसवून पुराच्या पाण्यातून प्रवास सुरू आहे. जिल्ह्यात मुसळधार पावसामुळे पूर परिस्थिती कायम असल्याचे पाहायला मिळत आहे. प्रशासनाने त्वरित याकडे लक्ष द्यावे अशी मागणी ग्रामस्थ करत आहेत.