Beed: बीडमधील मोबाईल कॉपी प्रकरण, Lok शाही मराठीच्या बातमीचा इम्पॅक्ट

बीडच्या परळीतील नागनाथ अप्पा हलगे महाविद्यालयाचे परीक्षा केंद्र रद्द करण्यात आले आहे. या महाविद्यालयात विद्यार्थी खुलेआम मोबाईल आणि नोट्सच्या माध्यमातून कॉपी करताना आढळून आले होते. आणि याचाच व्हिडिओ सोशल माध्यमावर वायरल झाला होता. दरम्यान याचीच दखल घेत डॉक्टर बाबासाहेब आंबेडकर मराठवाडा विद्यापीठाने या महाविद्यालयाचे परीक्षा केंद्र रद्द केले आहे. तसेच बीई सिव्हिल अंतिम वर्षाचा संबंधित पेपरही रद्द करण्यात आला आहे. तर प्राचार्य समन्वयकांविरोधात पोलिसात तक्रार दाखल करण्याचे आदेश देण्यात आले आहेत. चार महाविद्यालयातील 79 विद्यार्थ्यांची पुन्हा परीक्षा घेतली जाणार आहे.