MVA Jode Maro Protest: मविआचं आज मुंबईत जोडे मारो आंदोलन

मविआचं आज मुंबईत जोडे मारो आंदोलन केलं जाणार आहे. 'गेट वे ऑफ इंडिया' येथील छत्रपती शिवाजी महाराजांच्या पुतळ्याजवळ आंदोलन केलं जाईल. सकाळी 10 वाजता हुतात्मा स्मारकापासून आंदोलनाला सुरुवात होणार आहे. मविआच्या आंदोलनाला अद्यापपर्यंत पोलिसांनी परवानगी दिलेली नाही. उद्धव ठाकरे, शरद पवार, नाना पटोले आंदोलनात उपस्थित राहणार आहेत.

मालवणच्या राजकोट किल्ल्यावरील छत्रपती शिवाजी महाराज यांचा पुतळा कोसळण्याच्या घटनेचा निषेध म्हणून महाविकास आघाडी आंदोलन करणार आहेत. 'गेट वे ऑफ इंडिया' येथील छत्रपती शिवाजी महाराजांच्या पुतळ्याजवळ हे आंदोलन होणार आहे. हुतात्मा स्मारकाला वंदन करून आघाडीचे नेते, कार्यकर्ते व शिवप्रेमी ‘गेट वे ऑफ इंडिया’कडे जातील. तेथे छत्रपती शिवाजी महाराजांच्या पुतळ्यासमोर नतमस्तक होऊन सरकारच्या प्रतिमेला ‘जोडे मारो’ आंदोलन करतील.