Kalyan Hoarding Collapse : कल्याणमध्ये होर्डिंग कोसळल्याची घटना, कारचं मोठं नुकसान

कल्याण पश्चिमेत एक भले मोठे होर्डिंग गाड्यांवर पडल्याची घटना घडली आहे. कल्याण पश्चिमेतील सहजानंद चौक परिसरात हा प्रकार घडला आहे. यामध्ये दोन व्यक्ती जखमी झाल्याची प्राथमिक माहिती असून त्याखाली एक चारचाकी तर 7 ते 8 दुचाकी एक रिक्षा दबल्या गेल्या आहेत.

यामुळे काही गाड्यांचेही नुकसान झाले आहे. होर्डिंग कोसळल्याने कल्याण परिसरात वाहतुक कोंडी झाली आहे. गेल्या काही दिवसांपासून होर्डिंगचा प्रश्न ऐरणीवर आला होता. पण पुन्हा तशीच घटना कल्याणमध्ये घडल्यामुळे नागरिकांमध्ये भीतीचं वातावरण निर्माण झालं आहे.