Central Railway News: मध्य रेल्वेची वाहतूक विस्कळीत; गितांजली एक्सप्रेसमध्ये तांत्रिक बिघाड

मध्य रेल्वे ची वाहतूक विस्कळित झाली आहे. गीतांजली एक्सप्रेसमध्ये तांत्रिक बिघाड झाल्याने टिटवाळा स्थानकात थांबली. यामुळे कसारा कल्याण अप आणि डाऊन मार्गावरील लोकल सेवा ठप्प झालेली आहे. बिघाड दुरुस्त झाला असला तरी लोकल सेवा 10 ते 15 मिनिट उशिराने धावत आहे. एक्सप्रेस जागीच खोळंबून राहिल्याने या एक्सप्रेसच्या मागे धावत असलेल्या कसारा लोकल आणि इतर एक्सप्रेस गाड्या शहाड, कल्याण रेल्वे स्थानक परिसरात खोळंबून राहिल्या.

मुंबई ठाणे, डोंबिवली, कल्याण परिसरातून शहापूर, कसारा, आडगाव भागात नोकरी निमित्त जाणाऱ्या नोकरदारांचे यामुळे हाल झाले. बराच उशीर लोकल एकाच जागी खळंबून राहिल्याने प्रवासी संतप्त झाले. कल्याणमधून भाजीपाला घेऊन जाणारे किरकोळ विक्रेतेही लोकलमध्ये अडकून पडले.