Anil Desai: अर्ज भरण्यापूर्वी अनिल देसाईंची प्रतिक्रिया, म्हणाले...

आज अनिल देसाई उमेदवारी अर्ज दाखल करणार आहेत. उमेदवारी अर्ज दाखल करण्यााधी त्यांनी सिद्धिविनायकाचे दर्शन घेतलं. यावेळी माध्यमांशी बोलताना अनिल देसाई म्हणाले की, आपल्या धार्मिक रीतीनुसार कोणतंही शुभकार्य करण्यापूर्वी सिद्धिविनायकाचे दर्शन आपण घेतो त्याचप्रमाणे इथे आलो आणि नतमस्तक झालो. सिद्धिविनायकचे आशीर्वाद घेतले, आता आपण काम करण्यासाठी आणि उमेदवारी अर्ज दाखल करण्यासाठी सर्व मुभा बाप्पाने दिली आहे, असं अनिल देसाई म्हणाले.

तसेच वर्षा गायकवाड यांना उत्तर मध्यमधून महाविकास आघाडीचे तिकीट जाहीर झालं आहे. आणि त्या धारावीच्या आमदार आहेत. त्यांचे काम आहे त्यामुळे त्यांना सहकार्य मिळणारच आहे. असं देखील ते म्हणाले.

यासोबतच ते म्हणाले की, लोकसभेची निवडणूक किंवा कोणतीही निवडणूक झाली तर आपल्या या लोकशाहीमध्ये खरा अधिकार हा मतदारांचा आहे. मतदारांचे कौल घेण्यासाठी त्यांच्या दारात जात आहे.