Ajit Pawar On Yugendra: बारामतीत 'स्वत च्या नावाने मत मागा.. मग कळेल'; अजित दादांचं युगेंद्रला आव्हान

बारामतीमधून अजित पवार यांनी युगेंद्र पवारांना आव्हान केलं आहे. पवार साहेबांचा फोटो लावून मत मागण्यापेक्षा स्वतःच्या नावाने मत मागा मग कळेल असं थेट आव्हान अजित पवारांनी त्यांचा पुतण्या युगेंद्र पवारांना बारामतीमधून केलं आहे. युगेंद्र पवार हे सध्या बारामतीमधून अजित पवार यांच्या समोर उभे आहेत आणि त्यांचा प्रचार स्वतः शरद पवार आणि प्रतिभा पवार करत आहेत. त्याचसोबत सुप्रिया सुळे देखील त्यांच्यासाठी प्रचाराच्या मैदानात उतरलेल्या पाहायला मिळत आहेत.

तर यादरम्यान अजित पवार म्हणाले की, सध्या आमच्या घरातच अडचण झाली आहे आणि आमच्या घरातच फुट पडल्यामुळे तुम्हाला ही कळेना झाल आहे. इकडे आड आणि तिकडे विहिर कसं काय करायचं? आता लोकसभेला आडाखड बघितलं आहे विधानसभेला विडाखड बघा. म्हणजे आड पण खुश होईल आणि विहिर पण खुश होईल अशी मस्करी अजित पवारांनी केली आहे. त्यावेळेस बॅनरवरचा एक फोटो पाहून अजित पवार म्हणाले, आता इथे बघा साहेबांचा फोटो लावला आहे, साहेब उभे आहेत का? नाही, उभ कोण आहे युगेंद्र मग स्वतःचा फोटो लाव ना. असं आव्हान अजित पवारांनी युगेंद्र पवारांना केल आहे.