Woman assaulted in Mumbai's CSMT area: मुंबईच्या CSMT परिसरात 29 वर्षीय महिलेवर अत्याचार

मुंबईच्या छत्रपती शिवाजी महाराज टर्मिनल परिसरात 29 वर्षीय महिलेवर बलात्कार केल्याची धक्कादायक घटना समोर आली आहे. पीडीत महिला सीएसएमटी स्थानकाबाहेर 22 सप्टेंबरच्या रात्री एकटीच असताना दोन अज्ञात व्यक्ती तिथे आले. यातील एकाने महिला आरडा ओरड करेल या अनुशंगाने तिचे तोंड धरले.

सीएसएमटी स्थानकाबाहेरील टॅक्सी स्टॅडच्या पाठीमागे दोघांनी आळीपाळीने महिलेला धमकावून तिच्यावर बलात्कार केल्याचे महिलेने तक्रारीत म्हटले आहे. या प्रकरणी महिलेने दिलेल्या तक्रारीनुसार प्रथम सीएसएमटी लोहमार्ग पोलिस ठाण्यात गुन्हा दाखल केला. हाच गुन्हा आता पुढील तपासासाठी मुंबई पोलिसांच्या माता रमाबाई मार्ग पोलिस ठाण्यांकडे वर्ग करण्यात आला आहे.