कल्याणच्या रिसॉर्टमध्ये कर्मचाऱ्यानेच केली चोरी

सूरेश काटे | कल्याण | कल्याणच्या एका सुप्रसिद्ध रिसॉर्टमध्ये कर्मचाऱ्यानेच चोरी केल्याची घटना घडली आहे. जुनेद असे या आरोपीचे नाव असून तो उत्तर प्रदेशात पळून गेल्याची माहीती आहे. कल्याण महात्मा फुले पोलिसांनी उत्तर प्रदेशात जाऊन सीसीटीव्हीच्या सहाय्याने जुनेदला ताब्यात घेतले.

कल्याणच्या सुप्रसिद्ध पाम रिसॉर्टमध्ये कर्मचाऱ्यानेच तीन लाख दोन हजार रुपयांची चोरी करुन पसार झाला. जुनेद अन्सारी असे चोरट्याचे नाव असून तो चोरी करुन आपल्या मूळ गावी उत्तर प्रदेशात निघून गेला होता. चोरी केल्याची संपुर्ण घटना सीसीटीव्हीत कैद होती. कल्याण महात्मा फुले पोलिसांनी उत्तर प्रदेशात जाऊन सीसीटीव्हीच्या सहाय्याने जुनेदला ताब्यात घेतले. त्याच्याकडून चोरी करण्यात आलेले सर्व रक्कम हस्तगत करण्यात आली आहे. सध्या जुनेद अन्सारी हा पोलिस कोठडीत आहे.