Umang App : पासपोर्ट बनवण्यापासून ते अनेक ऑनलाइन काम आता घरबसल्या चुटकीसरशी होणार
Umang App : देशाची वेगाने डिजिटलायझेशनकडे वाटचाल सुरू आहे. अनेक सरकारी कामे आता ऑनलाइन केली जातात. डिजिटलायझेशनला (Digitalization) प्रोत्साहन देण्यासाठी भारत सरकारने उमंग अॅप लाँच केले आहे. या अॅपद्वारे तुम्ही अनेक गोष्टी ऑनलाइन करू शकता. (umang app for lots of government services)
उमंग म्हणजेच युनिफाइड मोबाईल अॅप्लिकेशन फॉर न्यू-एज गव्हर्नन्स, 100 हून अधिक सरकारी सुविधा घरबसल्या मिळू शकतात. कर जमा करण्यापासून पासपोर्ट मिळवण्यापर्यंत या अॅपद्वारे अर्ज करणे अगदी सहज करता येते. या अॅपद्वारे ईपीएफओ सेवा देखील मिळवता येते.
अँड्रॉइड व्यतिरिक्त तुम्ही उमंग अॅप आयफोनवरही डाउनलोड करू शकता. अँड्रॉइड फोनवर उमंग हे गुगल प्ले स्टोअरवरून डाउनलोड केले जाऊ शकते, तर अॅपल वापरकर्ते अॅप स्टोअरवरून डाउनलोड करू शकतात.
उमंग अॅप इन्स्टॉल केल्यानंतर तुम्हाला त्यात नोंदणी करावी लागेल. नोंदणी करण्यासाठी, प्रथम अॅप उघडा. अॅप ओपन केल्यानंतर तुम्हाला नाव, मोबाईल नंबर यासारखी मूलभूत माहिती टाकावी लागेल. हे अॅपवर तुमचे प्रोफाइल तयार करेल.
प्रोफाईल तयार केल्यानंतर, तुम्हाला त्यात लॉग इन करावे लागेल. यानंतर तुम्हाला त्यात अनेक कॅटेगरी दिसतील. तुम्हाला हव्या असलेल्या माहितीची लिंक ओपन करा.
नोंदणी करणे सोपे आहे
त्यावर नोंदणी करणे खूप सोपे आहे. अॅप ओपन केल्यानंतर, New User वर क्लिक करा आणि तुमचा मोबाईल नंबर द्या. हे तुमच्या मोबाईल नंबरवर OTP पाठवेल. तो टाका, तुम्ही MPIN सेट करा. यानंतर, तुम्हाला काही प्रश्न विचारले जातील, त्यांची उत्तरे दिल्यानंतर, तुम्हाला तुमचा आधार क्रमांक देऊन नोंदणी प्रक्रिया पूर्ण करावी लागेल.
