Tork Kratos R Electric Bike : 120 किमी मायलेजसह इलेक्ट्रिक बाइकची डिलिव्हरी सुरू

टॉर्क मोटर्सने अखेर आपल्या ग्राहकांना क्रॅटोस आणि क्रॅटोस आर या इलेक्ट्रिक मोटरसायकलची डिलिव्हरी सुरू केली आहे. कंपनीने जाहीर केले की, सुरुवातीच्या टप्प्यात भारतातील पाच शहरांमध्ये डिलिव्हरी सुरू झाली आहे. दोन्ही इलेक्ट्रिक बाईक या वर्षाच्या सुरुवातीला लॉन्च करण्यात आल्या होत्या. एप्रिलमध्ये डिलिव्हरी सुरू होणार होती. चालू असलेल्या सेमीकंडक्टर चिपच्या संकटामुळे, इलेक्ट्रिक टू-व्हीलर निर्मात्याला वितरण प्रक्रियेस आणखी तीन महिने उशीर करावा लागला. (tork motors starts delivery of electric motorcycles kratos and kratos r in india electric motorcycle bike)

किंमत

Torque Motors ने नवीन Kratos इलेक्ट्रिक मोटरसायकल जानेवारी 2022 मध्ये Kratos आणि Kratos R या दोन माॅडेलमध्ये लॉन्च केली. Kratos ची किंमत 1.08 लाख रुपये आहे, तर Kratos R ची किंमत 1.23 लाख रुपये आहे. या किंमती राज्य सरकार आणि FAME II अनुदान या दोन्हींचा समावेश असलेल्या एक्स-शोरूम पुणे आहे. ईव्ही निर्मात्याला डिलिव्हरी सुरू करण्यासाठी सुमारे सात महिने लागले. कंपनीने शुक्रवारी पहिले 20 युनिट्स ग्राहकांना दिले. सुरुवातीला, टॉर्क मोटर्स पुणे, मुंबई, हैदराबाद, चेन्नई आणि दिल्ली येथील ग्राहकांना या इलेक्ट्रिक मोटरसायकल ऑफर करणार आहे. कंपनी नंतर भारतातील इतर शहरांमध्ये आपली पोहोच वाढवण्यासाठी प्रयत्न करत आहे.

Tork Kratos इलेक्ट्रिक मोटरसायकलला 48V च्या सिस्टम व्होल्टेजसह IP67-रेट केलेला 4 Kwh लिथियम-आयन बॅटरी पॅक मिळतो. त्याची IDC 180 किमी आहे तर इतर गाड्यांची 120 किमी आहे. या बाईकचा टॉप स्पीड 100 kmph आहे. यात 7.5 kW ची कमाल शक्ती आणि 28 Nm कमाल टॉर्क असलेली अक्षीय फ्लक्स प्रकारची इलेक्ट्रिक मोटर मिळते. कंपनीचा दावा आहे की ही बाईक 4 सेकंदात 0 ते 40 kmph चा वेग पकडते. Kratos R ला अधिक शक्तिशाली मोटर मिळते जी 9.0 Kw पॉवर आणि 38 Nm टॉर्क देते. स्टँडर्ड मॉडेलच्या तुलनेत याचा टॉप स्पीड 105 किमी प्रतितास आहे.

बॅटरी आणि वैशिष्ट्ये

टॉर्क क्रॅटोस इलेक्ट्रिक बाइकमध्ये IP67-रेट असलेला लिथियम-आयन बॅटरी पॅक आहे जो पाण्याच्या नुकसानीपासून संरक्षण सुनिश्चित करण्यासाठी अॅल्युमिनियम मिश्र धातुच्या आवरणात येतो. Kratos एक जलद चार्जिंग सिस्टमसह येईल जी केवळ एका तासात 0 ते 80 टक्के बॅटरी चार्ज करेल. मात्र, फास्ट चार्जिंगची सुविधा फक्त Kratos R मोटरसायकलमध्येच देण्यात आली आहे. यात इतर काही अतिरिक्त कनेक्टिव्हिटी फीचर्स देखील मिळतील. यात जिओफेन्सिंग, फाइंड माय व्हेईकल फीचर, मोटरवॉक असिस्ट, क्रॅश अलर्ट, व्हेकेशन मोड, ट्रॅक मोड अॅनालिसिस तसेच स्मार्ट चार्ज अॅनालिसिस यासारख्या वैशिष्ट्यांसह उपलब्ध करून देण्यात आले आहे.

ऑपरेटिंग सिस्टम

याशिवाय, बाईकमध्ये कंपनीची स्वतःची ऑपरेटिंग सिस्टम असेल, ज्याचे नाव टॉर्क इंट्यूटिव्ह रिस्पॉन्स ऑपरेटिंग सिस्टम (TIROS) (Tork Intuitive Response Operating System) आहे. सिस्टम प्रत्येक राइडसाठी डेटा गोळा करेल आणि त्याचे विश्लेषण करेल. हे रिअल-टाइम वीज वापर, वीज व्यवस्थापन अंदाज यासारख्या प्रमुख घटकांचे निरीक्षण करेल. याशिवाय, 4.3-इंचाची TFT स्क्रीन अॅप आणि क्लाउड कनेक्टिव्हिटीसह अँटी-थेफ्ट सारख्या वैशिष्ट्यांनी सुसज्ज आहे.