Nothing Phone 1 लॉन्च; ट्रान्सफरंट बॅक पॅनल, वायरलेस चार्जिंगसह दमदार फिचर्स
अनेक दिवस चर्चेत असणारा Nothing चा पहिला स्मार्टफोन बाजारात लॉन्च झाला आहे. लोक खूप दिवसांपासून Nothing Phone 1 ची वाट पाहत होते. Nothing Phone हा पारदर्शक पॅनेलसह येतो. हा स्मार्टफोन जागतिक बाजारपेठेबरोबरच भारतातही सादर करण्यात आला आहे. चला तर मग जाणून घेऊया या फोनची किंमत आणि फीचर्स.
Nothing Phone 1 चे फिचर्स?
कंपनीने हा फोन तीन कॉन्फिगरेशनमध्ये लॉन्च केला आहे. हँडसेटमध्ये 8GB RAM आणि 128GB/256GB स्टोरेज तसेच 12GB RAM 256GB स्टोरेज आहे. Nothing ने फोन दोन पारदर्शक बॅक पॅनलसह पांढऱ्या आणि काळ्या रंगात लॉन्च केला आहे. या स्मार्टफोनच्या मागील बाजूस कॉर्निंग गोरिल्ला ग्लास देखील उपलब्ध आहे. तसेच, Nothing Phone 1 हा LED स्ट्रिप्स के सोबत येतो. यूजर्सला नोटिफिकेशन येताच या स्ट्रिप्स चमकतात.
Nothing Phone 1 मध्ये OLED पॅनल देण्यात आले आहे. डिव्हाइसमध्ये ड्युअल रियर कॅमेरा सेटअप असून याची लेन्स 50MP आहे. याशिवाय फोनमध्ये पंच होल कटआउट असलेली स्क्रीन उपलब्ध आहे. हँडसेटमध्ये Qualcomm Snapdragon 778G प्रोसेसर देण्यात आला आहे. हा स्मार्टफोन बेस्ट Nothing OS वर अँड्रॉइड १२ वर काम करतो. हँडसेटला 4500mAh बॅटरी देण्यात आली आहे. यात वायर्ड आणि वायरलेस चार्जिंग दोन्ही आहे. फोन 33W फास्ट चार्जिंगला सपोर्ट करतो. हे 15W वायरलेस चार्जिंग आणि 5W रिव्हर्स वायरलेस चार्जिंग देते.
डिस्प्ले : 6.55 इंच
फ्रंट कॅमरा : 16- मेगापिक्सल
रियर कॅमरा : 50-मेगापिक्सल + 16-मेगापिक्सल
रॅम : 8 जीबी
स्टोरेज : 128 जीबी
बॅटरी क्षमता : 4500 एमएएच
ओएस ॲंड्रॉईड
रिज़ॉल्यूशन : 1080
किती असेल किंमत?
भारतात हा Nothing Phone 1 सुरुवातीला 32,999 रुपयांच्या किंमतीत मिळेल. 8GB रॅम 256GB व्हेरिएंटची किंमत 35,999 रुपये आहे. तर 12GB रॅम 256GB स्टोरेज व्हेरिएंटची किंमत 38,999 रुपये आहे. हा स्मार्टफोन 21 जुलै रोजी विक्रीसाठी उपलब्ध होईल. HDFC बँकेच्या कार्डवरुन खरेदी केल्यास स्मार्टफोनवर 2000 रुपयांची सूट मिळेल. ही ऑफर क्रेडिट आणि डेबिट कार्ड दोन्हीवर उपलब्ध असेल. हा फोन ऑफलाईन मार्केटमध्ये कधी येईल याची अद्याप माहिती देण्यात आलेली नाही. भारतात हा फोन फ्लिपकार्टवर उपलब्ध असेल.
