अँड्रॉइड ही ऑपरेटिंग सिस्टम Google च्या मालकीची आहे. त्यामुळे प्योर अँड्रॉइडचा अनुभव Google Pixel स्मार्टफोनवर घेता येतो. परंतु भारतीयांच्या नशिबात हा अनुभव खूप कमी वेळा येतो. कंपनीनं गेल्या दोन वर्षांत Google Pixel स्मार्टफोन्स भारतात सादर केले नाहीत. जागतिक बाजारात पिक्सल स्मार्टफोन्स सादर होत आहेत परंतु भारतात त्यांची एंट्री होत नाही. परंतु आता Google Pixel 6A स्मार्टफोन लवकरच भारतात देखील लाँच केला जाईल.
Google Pixel 6A चे स्पेसिफिकेशन्स
यात Titan M2 सिक्योरिटी प्रोसेसर देण्यात आला आहे. स्मार्टफोनमध्ये Google Tensor चिप मिळते जिचा वापर या सीरिजमधील फ्लॅगशिप स्मार्टफोनमध्ये देखील करण्यात आला आहे. हा फोन अँड्रॉइड 12 ऑपरेटिंग सिस्टमवर चालतो. कंपनी 5 वर्ष सिक्योरिटी अपडेट आणि 3 वर्ष अँड्रॉइड अपडेट देणार आहे. फोनमध्ये 6GB RAM आणि 128GB इंटरनल स्टोरेज आहे.
कॅमेरा सेटअप पाहता या फोनमध्ये ड्युअल रियर कॅमेरा सेटअप आहे. ज्यात 12.2MP चा मेन कॅमेरा आणि 12MP चा अल्ट्रा वाईड अँगल सेन्सर देण्यात आला आहे. सेल्फी आणि व्हिडीओ कॉलिंगसाठी 8MP चा फ्रंट कॅमेरा आहे. हँडसेट मध्ये 4306mAh ची बॅटरी देण्यात आली आहे. कंपनीचा दावा आहे की Extreme Battery Saver मोड ऑन करून सिंगल चार्जमध्ये 72 तास ही बॅटरी वापरता येईल.
याची किंमत 499 डॉलर म्हणजे (जवळपास 38,614 रुपये) आहे. हा फोन 3 कलर ऑप्शनमध्ये लाँच केला जाऊ शकतो. मीडिया रिपोर्ट्सनुसार, याची भारतीय किंमत 35,000 रुपयांपेक्षा कमी असू शकते.
