पुण्यात स्विगी आणि झोमॅटो कंपनीच्या डिलवरी बॉयला चोरी करताना अटक

पुणे शहरातील काळेपडळ, चंदननगर परिसरात खाद्यपदार्थांची डिलिव्हरी देण्यास गेलेल्या दोन डिलिव्हरी बॉय आणि त्यांच्यासोबत असलेला एक मित्र, अशा तिघांनी मिळून सोनसाखळी चोरी केल्या होत्या . या तिघांना पकडण्यात हडपसर पोलिसांना यश आले आहे. आकाश सिध्दलिंग जाधव आणि समीर पांडुळे, आणि साहिल अनिल गायकवाड वय 22 हे तिघे ही मूळचे सोलापुर येथील आहेत. पुण्यातील हडपसरच्या निर्मल टॉऊनशिपमधील सोसायटीत 16 तारखेला दुपारच्या सुमारास एका महीलेच्या गळ्यातील सोन्याचे मंगळसूत्राची झटापट करत एका तरुणांनी चोरी केली होती. या जबरी चोरीचा तपास पोलिस करत पोलिसांनी शहरातील 500 पेक्षा अधिक सिसिटीव्ही तपासत चोरांचा शोध घेत होते. तपास पथकातील पोलिस शिपाई प्रशांत दुधाळ आणि निखील पवार यांना मिळालेल्या माहिती वरुन चंदननगर मधील तिघाना चौकशीसाठी पोलिसांनी ताब्यात घेण्यात आले. तपासात आरोपीनी चोरीची कबुली दिली असून मंगळसूत्र चोर हे स्विगी आणि झोमॅटोचे डिलवरी बॉय असल्याने शहरात खळबळ उडालीय.