राहुल द्रविड पुन्हा एकदा टीम इंडियाच्या मुख्य प्रशिक्षक पदी, बीसीसीआयने वाढवला कार्यकाळ
नवी दिल्ली : भारतीय क्रिकेट नियामक मंडळाने (बीसीसीआय) राहुल द्रविडची पुन्हा एकदा टीम इंडियाच्या प्रशिक्षकपदी नियुक्ती केली आहे. 2023 च्या एकदिवसीय विश्वचषक स्पर्धेनंतर त्याचा करार संपला होता. आता बीसीसीआयने त्याचा करार वाढवला आहे. वरिष्ठ पुरुष संघाचे मुख्य प्रशिक्षक राहुल द्रविड यांच्यासह क्रीडा कर्मचाऱ्यांचा करारही वाढवण्यात आला आहे.
बीसीसीआयच्या माहितीनुसार, भारतीय संघाला आकार देण्यासाठी राहुल द्रविडची भूमिका ओळखतो आणि त्याच्या अपवादात्मक व्यावसायिकतेची प्रशंसा करतो. एनसीएचे मुख्य प्रशिक्षक आणि टीम इंडियाचे स्टँड-इन मुख्य प्रशिक्षक म्हणून व्हीव्हीएस लक्ष्मण यांच्या भूमिकेचेही बोर्ड कौतूक करते. त्यांच्या ऑनफिल्ड भागीदारीप्रमाणेच राहुल द्रविड आणि व्हीव्हीएस लक्ष्मण यांनी भारतीय क्रिकेटला पुढे नेले आहे.
राहुल द्रविड म्हणाले की, भारतीय संघासोबतची गेली दोन वर्षे संस्मरणीय राहिली. आम्ही एकत्र चढउतार पाहिले आहेत आणि या संपूर्ण प्रवासात ग्रुपमधील पाठिंबा आणि मैत्री आश्चर्यकारक आहे. ड्रेसिंग रुममध्ये आम्ही जी संस्कृती बसवली आहे त्याचा आम्हाला अभिमान आहे. विजय असो वा दुर्दैव असो ही संस्कृती लवचिक आहे.
आमच्या संघाकडे असलेले कौशल्य आणि उत्कटता आश्चर्यकारक आहे आणि आम्ही यावर जोर दिला आहे की तुम्ही योग्य प्रक्रियेचे अनुसरण करा आणि तुमच्या तयारीला चिकटून राहा, ज्याचा एकूण निकालावर थेट परिणाम होतो. माझ्यावर विश्वास दाखविल्याबद्दल मी बीसीसीआयचे आभार मानतो, असे त्याने म्हंटले आहे.
