रोहित शर्माच्या निशाण्यावर मोहम्मद अझरुद्दीनचा हा खास रेकॉर्ड

rohit sharma : भारत आणि इंग्लंड यांच्यात १७ जुलै रोजी शेवटचा वनडे सामना खेळवला जाणार आहे. हा निर्णायक सामना आहे. रविवार, १७ जुलै रोजी मँचेस्टरच्या ओल्ड ट्रॅफर्ड मैदानावर हा सामना होणार आहे. हा सामना जिंकून भारताला मालिका संपवायची आहे. मालिका १-१ अशी बरोबरीत आहे. या सामन्यात कर्णधार रोहित शर्मा मोठा विक्रम करू शकतो. पहिला सामना भारताने सहज जिंकला. लॉर्ड्सवर खेळल्या गेलेल्या दुसऱ्या एकदिवसीय सामन्यात भारताला दारुण पराभवाला सामोरे जावे लागले. (mohammad azharuddin this special record on the target of rohit sharma)

जर भारतीय कर्णधार रोहित शर्माने मँचेस्टर वनडेमध्ये 20 धावा केल्या तर तो एकदिवसीय क्रिकेटमध्ये भारतीय फलंदाजांच्या सर्वाधिक धावा करणाऱ्यांच्या यादीत माजी कर्णधार मोहम्मद अझरुद्दीनला मागे टाकेल.

रोहितच्या हा खास विक्रम

अझरुद्दीनने एकदिवसीय सामन्यांमध्ये खेळलेल्या 334 सामन्यांमध्ये 36.92 च्या सरासरीने 9378 धावा केल्या आहेत, तर रोहित शर्माने 232 सामन्यांमध्ये 9359 धावा केल्या आहेत. रविवारी रोहितने असे केले तर तो भारतासाठी सर्वाधिक धावा करणाऱ्या खेळाडूंच्या यादीत सहाव्या स्थानावर पोहोचेल.

या यादीत सचिन तेंडुलकर 18426 धावांसह पहिल्या क्रमांकावर आहे. भारताचा वेगवान गोलंदाज मोहम्मद शमी सचिन तेंडुलकरचा विक्रम मोडू शकतो. सचिनने वनडे कारकिर्दीत 463 सामन्यात 154 विकेट घेतल्या. दुसरीकडे, मोहम्मद शमीने आतापर्यंत 152 फलंदाजांना पॅव्हेलियनचा रस्ता दाखवला आहे. मँचेस्टरमध्ये दोन विकेट घेताच तो सचिनची बरोबरी करेल.