Watch Video : KL राहुल शस्त्रक्रियेनंतर काय करतोय, पहा व्हिडीओ

KL Rahul Video : भारतीय यष्टीरक्षक फलंदाज केएल राहुलला यापूर्वी दुखापत झाली होती, त्यानंतर तो दक्षिण आफ्रिकेविरुद्धच्या टी-20 सामन्यांच्या मालिकेत खेळू शकला नाही. KL राहुलच्या अनुपस्थितीत, ऋषभ पंतने दक्षिण आफ्रिकेविरुद्धच्या मालिकेत (IND vs SA 2022) भारतीय संघाचे नेतृत्व केले. केएल राहुलवर जर्मनीमध्ये शस्त्रक्रिया झाली, येत्या काही दिवसांत केएल राहुल पुन्हा मैदानात उतरेल, असे मानले जात आहे. (kl rahul is now practicing at the national cricket academy in bangalore after undergoing surgery for a groin injury in germany)

एनसीएकडून केएल राहुलने पोस्ट केलेला फोटो

गेल्या काही वर्षांपासून केएल राहुल सतत दुखापतींशी झुंजत आहे. मांडीच्या दुखापतीशिवाय केएल राहुल हा हॅमस्ट्रिंगच्या दुखापतीचा बळी ठरला आहे. मात्र, यापूर्वी भारतीय सलामीवीराने एक ट्विट केले होते. या ट्विटमध्ये त्यांनी लिहिले की, मागील काही वेळ कठीण होती, परंतु शस्त्रक्रिया यशस्वी झाली. आता मला पूर्वीपेक्षा बरे वाटत आहे, तसेच बराही होत आहे. हा खेळाडू बेंगळुरू येथील एनसीएमध्ये दिसला. तसेच, भारतीय सलामीवीराने एनसीएकडून एक फोटो पोस्ट केला आहे.

राहुल वेस्ट इंडिजविरुद्ध खेळू शकतो

विशेष म्हणजे केएल राहुलची वेस्ट इंडिजविरुद्धच्या 5 टी-20 सामन्यांच्या मालिकेसाठी भारतीय संघात निवड झाली आहे. या मालिकेतील पहिला सामना २९ जुलै रोजी होणार आहे. केएल राहुल फिटनेस चाचणी उत्तीर्ण झाल्यासच वेस्ट इंडिज दौऱ्यावर जाईल. मात्र, यंदा टी-२० विश्वचषक ऑक्टोबर महिन्यात खेळवला जाणार आहे. ऑस्ट्रेलियात होणाऱ्या या विश्वचषकात भारतीय संघासाठी केएल राहुलचे योगदान महत्त्वाचे मानले जात आहे. केएल राहुलने भारतासाठी आतापर्यंत 42 कसोटी, 42 एकदिवसीय आणि 56 टी-20 सामने खेळले आहेत.