IND vs SA : 5व्या T20 सामन्यापूर्वी ऋषभ पंतला अनुभवी खेळाडूचा मिळाला सल्ला

Sunil Gavaskar Rishabh Pant : भारताचे माजी दिग्गज सुनील गावस्कर यांनी दक्षिण आफ्रिकेविरुद्धच्या 5व्या टी-20 सामन्यापूर्वी कर्णधार ऋषभ पंतला (Rishabh Pant) महत्त्वपूर्ण सल्ला दिला आहे. पंतने गावस्करचा सल्ला पाळला तर तो मोठी धावसंख्या करू शकतो. पंतच्या कामगिरीवर गावस्कर खूश नाहीत. पंत या वर्षी त्याच्या खराब फॉर्मशी झुंज देत आहे आणि दिनेश कार्तिकच्या (Dinesh Karthik) पुनरागमनानंतर, युवा खेळाडूला संघातील स्थान वाचवणे कठीण होऊ शकते. गावस्कर म्हणाले की तो वाइड थ्रो करतो आणि पंत त्यासाठी पुढे जातो आणि शॉटमध्ये पूर्ण ताकद लावू शकत नाही. पंतला ऑफ-स्टंपच्या बाहेर जाणाऱ्या चेंडूंवर शॉट्स खेळणे थांबवावे लागेल. (india vs south africa sunil gavaskar offered his advice to rishabh pant on poor shot selection)

10 वेळा पंत ऑफ स्टंपबाहेरील चेंडूंवर बाद झाला

यावर्षी 22 टी-20 सामन्यांमध्ये पंत 10 वेळा ऑफ स्टंपबाहेर बाद झाला आहे. इतकंच नाही तर दक्षिण आफ्रिकेविरुद्धच्या गेल्या चार सामन्यांतही तो अशाच प्रकारे बाद झाला होता. दक्षिण आफ्रिकेविरुद्धच्या (South Africa) चौथ्या सामन्यात 17 धावांत विकेट गमावल्यानंतर गावस्कर यांनी पंतला फटकारले. पंत आपल्या चुकांमधून धडा घेत नसल्याचा दावा गावस्कर यांनी केला आहे. भारतीय कर्णधाराच्या बाजूने हे चांगले लक्षण नाही.

चौथ्या सामन्यात कॉमेंट्री करताना गावस्कर म्हणाले की, पंत शिकत नाहीये. त्याच्या शेवटच्या ३ विकेट्समधून तो काहीच शिकला नाही. तो वाइड फेकतो आणि पंत त्यावर शॉट खेळण्यासाठी पुढे जातो आणि तो त्यावर पूर्ण ताकदही लावू शकत नाही. या मालिकेतही तो तसाच आऊट होतोय.

गावसकरांचा पंतला मोठा सल्ला

सल्ला देताना तो म्हणाले की पंतला ऑफ स्टंपच्या बाहेर जाणाऱ्या चेंडूवर हवेत शॉट्स खेळणे टाळावे लागेल. विरोधी संघ अशा चेंडूंसाठी डावपेच आखतो आणि तुम्ही त्यात अडकता. आयपीएल 2022 मध्ये पंतची खराब कामगिरी कायम राहिली. 24 वर्षीय यष्टीरक्षक-फलंदाजाने 14.25 च्या सरासरीने आणि 105.55 च्या स्ट्राइक रेटने 57 धावा केल्या.