IND VS AFG: भारताने विजयाचा मारला 'चौकार'! अफगाणिस्तानला हरवून सुपर-8 टप्प्यात केली विजयी सुरुवात

प्रथम फलंदाजी करताना भारताने सूर्यकुमार यादवच्या अर्धशतकाच्या जोरावर 20 षटकांत 8 गडी गमावून 181 धावा केल्या. प्रत्युत्तरात बुमराह आणि अर्शदीपने प्रत्येकी 3 विकेट घेतल्या. ज्याच्या जोरावर भारताने अफगाणिस्तानला 20 षटकांत 134 धावांत गुंडाळले.

वेगवान गोलंदाज जसप्रीत बुमराह आणि अर्शदीप सिंग यांच्या शानदार गोलंदाजीच्या जोरावर भारताने T-20 विश्वचषकात सलग चौथा विजय नोंदवला. भारताने अफगाणिस्तानचा 47 धावांनी पराभव करत सुपर एट टप्प्यातील गट एक सामना जिंकला. भारताने प्रथम फलंदाजी करताना सूर्यकुमार यादवच्या अर्धशतकाच्या जोरावर 20 षटकांत आठ गड्यांच्या मोबदल्यात 181 धावा केल्या. प्रत्युत्तरात बुमराह आणि अर्शदीपने प्रत्येकी तीन विकेट घेतल्या, ज्याच्या जोरावर भारताने अफगाणिस्तानला 20 षटकांत 134 धावांत गुंडाळले. अफगाणिस्तानकडून अजमतुल्ला उमरझाईने 20 चेंडूंत 2 चौकार आणि 1 षटकाराच्या मदतीने सर्वाधिक 26 धावा केल्या.

या सामन्यातही भारतीय गोलदाजींनी दमदार कामगिरी केली आणि धावसंख्या राखण्यात ते यशस्वी ठरले. आता भारताचा सामना शनिवारी बांगलादेशसोबत होणार आहे. सुपर 8 मधील गट 1 मध्ये बारत 2 गुणांसह अव्वल स्थानावर आहे. दुसरीकडे, लक्ष्याची पाठलाग करताना अफगानिस्तानची सुरुवात चांगली झाली नाही आणि संघ ठरावीक अंतराने विकेट गमावत राहिले. डिसेंबर 2023 पासून भारताने T20 मध्ये सलग आठ सामने जिंकले आहेत. यापूर्वी, भारताने जानेवारी 2020 ते डिसेंबर 2020 दरम्यान एकूण नऊ सामने आणि नोव्हेंबर 2021 ते फेब्रुवारी 2022 दरम्यान सलग 12 सामने जिंकले होते.