IND vs SA 1st ODI : भारताचा पराभव, दक्षिण आफ्रिकानं ३१ धावांनी जिंकला सामना

दक्षिण आफ्रिकेविरूद्धच्या पहिल्या वनडे सामन्यात भारताचा पराभव झाला आहे. दक्षिण आफ्रिकाने भारताला ३१ धावांनी मात दिली. या विजयासह दक्षिण आफ्रिकेने मालिकेत १-० अशी आघाडी घेतली आहे.

दक्षिण आफ्रिकेचा कर्णधार टेंबा बावुमाने नाणेफेक जिंकून प्रथम फलंदाजीचा निर्णय घेतला. बावुमाने रूसी व्हॅन डर डुसेनसह केलेल्या दोनशे धावांच्या भागीदारीमुळे भारताला २९७ धावांचे आव्हान मिळाले. बावुमा आणि डुसेन यांनी शतके ठोकली. प्रत्युत्तरात भारताचा संघ ५० षटकात ८ बाद २६५ धावांपर्यंतच पोहोचू शकला. विराट कोहली, शिखर धवन आणि शेवटी शार्दुल ठाकूरने अर्धशतके झळकावली, पण मधल्या फळीतील फलंदाजांनी निराशा केली. या विजयासह दक्षिण आफ्रिकेने मालिकेत १-० अशी आघाडी घेतली आहे.