Ind vs Aus WC Final 2023 LIVE Score; बुमराहने ऑस्ट्रेलियाला दिला तिसरा धक्का, ऑस्ट्रेलिया 47 धावा 3 बाद

आज आयसीसी वनडे वर्ल्ड कप 2023 फायनल सामना टीम इंडिया विरुद्ध ऑस्ट्रेलिया यांच्यात होत आहे. या सामन्याला दुपारी 2 वाजता अहमदाबादमधील नरेंद्र मोदी स्टेडियममध्ये सुरुवात झाली.

3:53 pm, 19 Nov 2023

ऑस्ट्रेलियाचा जगज्जेतेपदाचा षटकार. सहाव्यांदा वर्ल्डकप जिंकण्याचा रेकॉर्ड. अहमदाबादमध्ये भारताला नमवून विश्वचषकावर कोरलं नाव'. ऑस्ट्रेलियाचा भारतावर सहा विकेट्सने विजय. भारताच्या पदरी निराशा.

3:26 pm, 19 Nov 2023

ट्राविस हेड याने 95 बॉलमध्ये 100 धावा केल्या असून या खेळीमध्ये त्याने 14 चौकार आणि 1 षटकार मारला आहे. शतक झाल्यावर जडेजाला पहिल्याच बॉलवर सिक्स मारला आहे.

3:03 pm, 19 Nov 2023

ट्राविह हेड आणि लाबुशेन यांच्यात 101 धावांची नाबाद शतकी भागीदारी झाली आहे. एकंदरिक भारतीय संघाच्या हातातून सामना जायला लागल्याचं दिसत आहे.

1:35 pm, 19 Nov 2023

बुमराहने ऑस्ट्रेलियाला दिला तिसरा धक्का, स्मिथ चार धावा काढून बाद. ऑस्ट्रेलिया 47 धावा 3 बाद

1:20 pm, 19 Nov 2023

ऑस्ट्रेलियाला दिला दुसरा धक्का देत जसप्रीत बुमराहने मिचेल मार्शला 15 धावांवर पाठवले तंबूत

1:02 pm, 19 Nov 2023

ऑस्ट्रेलियाला पहिला धक्का, मोहम्मद शामीने डेविड वॉर्नरला पाठवले तंबूत, डेविड वॉर्नर 7 धावांवर आऊट

1:01 pm, 19 Nov 2023

डेविड वॉर्नर आणि ट्रेविस यांनी शानदार सुरुवात केरत बुमराहच्या पहिल्याच षटकात ऑसीच्या सलामी फलंदाजांनी 15 धावा वसूल केल्या. वॉर्नरने 7 तर हेडने 8 धावा मारल्या

12:57 pm, 19 Nov 2023

वॉर्नर आणि ट्रेविस हेड यांनी बुमराहच्या गोलंदाजीवर शानदार सुरुवात केली. दोन चेंडूत सात धावा केल्या.

12:34 pm, 19 Nov 2023

ऑस्ट्रेलियाविरुद्धच्या वर्ल्ड कपच्या अंतिम सामन्यात भारतीय संघ 240 धावांत ऑलआऊट झाला आहे. कांगारू संघाने विजयासाठी 241 धावांचे लक्ष्य ठेवले आहे. भारताकडून केएल राहुलने सर्वाधिक 66 आणि विराट कोहलीने 54 धावा केल्या. कर्णधार रोहित शर्माने 47 आणि सूर्यकुमार यादवने 18 धावा केल्या. कुलदीप यादवने 10 धावांचे योगदान दिले.

12:12 pm, 19 Nov 2023

भारताला नववा धक्का, सूर्यकुमार यादव आऊट

12:00 pm, 19 Nov 2023

एकापोठापाठ एक विकेट फेकल्या जात आहे. केएल राहुल, शामीनंतर आता जसप्रीत बुमराह बाद झाला. बुमराहाला फक्त एक धाव काढता आली.

12:00 pm, 19 Nov 2023

केएल राहुल अर्धशतकानंतर तंबूत परतला. त्या धक्क्यातून सावरत नाही, तोच मोहम्मद शामीही बाद झाला

11:58 am, 19 Nov 2023

भारताचा स्टार खेळाडू सुर्यकुमार यादव आता मैदानात आला असून त्याच्या बॅटींगकडे सर्वांच्या नजरा असणार आहेत. जडेजाने आजही निराशा केली असून अवघ्या 9 धावा करून आऊट झाला आहे.

11:22 am, 19 Nov 2023

भारताला पाचवा धक्का. रविंद्र जाडेजा 9 धावांवर तंबूत परतला. जडेजाला 36 व्या ओव्हरमध्ये हेजलवूडने त्याला 9 धावांवर आऊट केलं.

11:08 am, 19 Nov 2023

विराट कोहली आऊट झाल्यावर रविंद्र जडेजा मैदानात आला आहे. आता राहुल आणि जडेजा यांच्यावर मोठी जबाबदारी असणार आहे.

10:42 am, 19 Nov 2023

विराट कोहली 29व्या षटकात आऊट झाला आहे. त्याच्या ओव्हरच्या तिसऱ्या चेंडूवर पॅट कमिन्सने त्याला क्लीन बोल्ड केले. कोहलीने 63 चेंडूत 54 धावा केल्या.

10:20 am, 19 Nov 2023

15 ओव्हरमध्ये भारताच्या 97 -3 धावा झाल्या असून विराट नाबाद 32 आणि के. एल. राहुल 9 धावांवर खेळत आहे.

9:40 am, 19 Nov 2023

विराट कोहली आणि केएल राहुल पुन्हा एकदा मैदानावर स्थिरावलेत. भारतीय संघाची धावसंख्या वाढवण्याचे काम या जोडीवरच असेल. भारतीय संघ तीन बाद 95 धावा.... विराट 31 तर राहुल 8 धावांवर खेळत आहेत.

9:21 am, 19 Nov 2023

भारताला तिसरा धक्का. रोहितपाठोपाठ श्रेयस अय्यर 4 धावा काढून बाद झाला आहे. भारत तीन बाद 81 धावा

9:17 am, 19 Nov 2023

भारताला दुसरा धक्का बसलाय. रोहित शर्मा 47 धावा काढून बाद झाला. ग्लेन मॅक्सवेलच्या चेंडूवर मोठा फटका मारण्याच्या नादात रोहित शर्मा बाद झालाय. भारत 2 बाद 76 धावा

9:08 am, 19 Nov 2023

ओपनर शुबमन गिल मोठा फटका मारायच्या नादात कॅच आऊट झाला आहे. मिचेल स्टार्क याने 4 धावांवर त्याला आऊट केलं आहे. विराट कोहली मैदानात आला असून आता रोहित आणि विराट मैदानात आहेत.

9:08 am, 19 Nov 2023

चौथ्या ओव्हरमध्ये रोहितने हेजलवूडला सिक्स आणि चौकार मारत कांगारूंवर दबाव टाकण्याचा प्रयत्न केला. भारताच्या 4 ओव्हरमध्ये 30 धावा झाल्या आहेत.

9:08 am, 19 Nov 2023

रोहित शर्मा याने दुसऱ्या ओव्हरमध्ये फटकेबाजी करायला सुरूवात केली आहे. रोहितने हेजलवूडला याला दुसऱ्या ओव्हरमध्ये दोन चौकार मारत दमदार सुरुवात केली आहे.

9:07 am, 19 Nov 2023

रोहित शर्मा आणि शुबमन गिल मैदानात उतरले असून ऑस्ट्रेलियाकडून मिचेल स्टार्क पहिली ओव्हर टाकत आहे. रोहित त्याला कसा फेस करतो हे पाहावं लागणार आहे. कारण साखळी सामन्यात त्याला शून्यावर माघारी पाठवलं होतं.

9:07 am, 19 Nov 2023

वर्ल्ड कप 2023 चा अंतिम सामना आज अहमदाबादच्या नरेंद्र मोदी स्टेडियमवर खेळला जात आहे. अंतिम सामन्यात ऑस्ट्रेलियाने भारताविरुद्ध नाणेफेक जिंकून गोलंदाजी करण्याचा निर्णय घेतला आहे.

9:06 am, 19 Nov 2023

ऑस्ट्रेलिया प्लेईंग इलेव्हन : Australia playing XI डेव्हिड वॉर्नर, ट्रॅव्हिस हेड, मिचेल मार्श, स्टीव्हन स्मिथ, मार्नस लॅबुशेन, जोश इंग्लिस (विकेटकीपर), ग्लेन मॅक्सवेल, पॅट कमिन्स (कर्णधार), मिचेल स्टार्क, अॅडम झाम्पा आणि जोश हेझलवुड.

9:06 am, 19 Nov 2023

टीम इंडियाचे शिलेदार : Team India playing XI रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (विकेटकिपर), सूर्यकुमार यादव, रवींद्र जडेजा, मोहम्मद शमी, कुलदीप यादव, जसप्रीत बुमराह आणि मोहम्मद सिराज.

8:58 am, 19 Nov 2023

आज आयसीसी वनडे वर्ल्ड कप 2023 फायनल सामना टीम इंडिया विरुद्ध ऑस्ट्रेलिया यांच्यात होत आहे. या सामन्याला दुपारी 2 वाजता अहमदाबादमधील नरेंद्र मोदी स्टेडियममध्ये सुरुवात झाली. ऑस्ट्रेलियाने टीम इंडियाला वर्ल्ड कप फायनल 2003 मध्ये पराभूत केलं होतं. त्यामुळे आता टीम इंडियाला 20 वर्षांनी भारतात कांगारुंवर मात करत 20 वर्षांपूर्वीचा वचपा घेण्याची संधी आहे. आपण या सामन्याबाबतची प्रत्येक अपडेट या लाईव्ह ब्लॉगच्या माध्यमातून जाणून घेणार आहोत.

IND vs AUS

world cup

Ind vs Aus WC Final 2023