माजी भारतीय क्रिकेटपटू नाराज, म्हणाला - आधी संघातून काढले, आता फक्त ड्रिंक्स घेऊन जाण्यासाठी मी संघात
Salil Ankola : 1990 च्या दशकात टीम इंडियामध्ये अनेक लोकप्रिय क्रिकेटपटूंचा समावेश होता. या काळात अनेक खेळाडू त्यांच्या कारकिर्दीच्या शिखरावर होते. काही क्रिकेटपटू होते ज्यांनी त्या काळात पदार्पण केले. मात्र, त्याचे नाव आता क्रिकेटच्या इतिहासाच्या पानात कुठेतरी हरवले आहे. असाच एक क्रिकेटर म्हणजे सलील अंकोला. सलील अंकोलाने सचिन तेंडुलकरसोबत आंतरराष्ट्रीय पदार्पण केले. आता या माजी भारतीय वेगवान गोलंदाजाने त्याच्या कारकिर्दीबद्दल चर्चा केली. (dropped from indian team and then picked for india a only to be carrying drinks says salil ankola)
सलील अंकोलाने आपली व्यथा मांडताना सांगितले की, एक वेळ अशी आली की त्याला टीम इंडियातून वगळण्यात आले. यानंतर माझी भारत अ संघात निवड झाली पण तिथे मला सामना खेळण्यासाठी नाही तर ड्रिंक्स घेऊन जाण्यासाठी ठेवण्यात आले.
2001 नंतर तो क्रिकेटपासून पूर्णपणे दूर होता. अंकोला यांनी सांगितले की, मला आजही झालेल्या चुकीचा पश्चाताप होतो. मला सोनीने क्रिकेटमध्ये नोकरीची ऑफर दिली होती, जी मी नाकारली होती. मला माहित नाही की मी ती ऑफर का नाकारली, मी एक चुकीचा निर्णय घेतला असावा ज्याचा मला आजपर्यंत पश्चात्ताप आहे.
2010 मध्ये अंकोलाच्या वैयक्तिक आयुष्यातही खूप संकटे आली. 2010 मध्ये अंकोला पत्नी आणि मुलांपासून वेगळे झाले. हा धक्का सहन न झाल्याने त्याला दारूचे व्यसन लागले. दारूच्या व्यसनापासून दूर जाण्यासाठी अंकोलाने पुन्हा एकदा क्रिकेटची निवड केली. याच कारणामुळे गतवर्षी त्यांची मुंबईचे मुख्य निवडकर्ता म्हणून नियुक्ती करण्यात आली होती. 'तेव्हा मी 52 वर्षांचा होतो, एकदा तुम्ही 50 ओलांडली की तुमची समज बदलते. मला कसे आणि का माहित नाही, परंतु असे घडते. क्रिकेटमध्ये परत न जाण्याच्या माझ्या उदाहरणाप्रमाणे, पण मी खरोखरच क्रिकेटला मिस करत होतो.
