SRH vs RR | संजू सॅमसनचं वेगवान अर्धशतक

आयपीएलच्या (IPL) पंधराव्या हंगामातील सनरायझर्स हैदराबाद (Sunrisers Hyderabad) विरुद्ध राजस्थान रॉयल्स (Rajasthan Royals) या दोघांमधील सामना पुणे येथील महाराष्ट्र क्रिकेट असोसिएशन (Maharashtra Cricket Association) च्या मैदानावर खेळला गेला. या सामन्यांमध्ये संजू सॅमसन (Sanju Samson) याने उत्कृष्ट दर्जाची खेळी केली. तो राजस्थान रॉयल्स या संघाकडून आपला शंभरावा सामना खेळत होता. दरम्यान टॉस जिंकून केन विल्यमसन याने गोलंदाजीचा निर्णय घेतला व राजस्थान रॉयल्स यांना बॅटिंग (Batting) करता बोलावले.

यावेळी राजस्थान रॉयल्स या संघातील ओपनिंग बॅट्समन (Opening batsman) जोस बटलर (Jose Butler) व यशस्वी जयस्वाल (yashaswi Jaiswal) या दोन फलंदाजांनी 58 धावांची ओपनिंग संघाला करून दिली. यानंतर जोस बटलर हा बाद झाला. त्यानंतर संजू सॅमसंन मैदानावर बॅटिंग करता उतरला. राजस्थान कडून शंभरावा सामना खेळत असलेल्या संजूने उत्कृष्ट खेळी केली. यामध्ये त्याने 27 चेंडूत 55 धावा केल्या. या खेळामध्ये त्याने 3 चौकार व 5 षटकार लगावले. त्याचे हे खेळ डोळ्यांचे पारणे फेडणारी होती.

या सामन्यांमध्ये संजू सॅमसंग याच्या 55 धावा, देवदत्त पडीकल याच्या 41 धावा यांच्या जोरावर राजस्थान रॉयल्स संघाने 210 धावांचा डोंगर उभा केला. याच्या प्रत्युत्तरा मध्ये सनरायझर्स हैदराबाद संघाला फक्त 149 धावा करता आल्या.