श्रावणात सोमवारी वाचा 'शिवपंचाक्षर स्तोत्र', कालसर्प दोष होईल दूर
Shiva Panchakshara Stotra : श्रावण महिना हा भगवान शंकराचा आवडता महिना आहे आणि या महिन्यातील सर्व सोमवार खूप खास मानले जातात. या दिवशी लोक भगवान शिवाची पूजा करतात आणि उपवास करतात. 7 ऑगस्ट 2023 रोजी अधिकमास श्रावणाचा पाचवा सोमवार व्रत पाळण्यात येणार आहे. श्रावणात प्रत्येक सोमवारी पूजा, उपवास, उपाय इत्यादी केल्याने भगवान शंकराचा आशीर्वाद प्राप्त होतो, मनोकामना पूर्ण होतात आणि कुंडलीत चालू असलेले ग्रह दोषही दूर होतात, असा विश्वास आहे.
ज्योतिषशास्त्रात कालसर्प दोष घातक मानला जातो. कालसर्प दोषाचे 12 प्रकार आहेत, जे व्यक्तीच्या जीवनावर वेगवेगळ्या प्रकारे परिणाम करतात. असे म्हणतात की ज्याच्या कुंडलीत हा दोष असतो, त्याचे जीवन संकटांनी घेरलेले असते. त्यामुळे त्याचे नाव ऐकताच लोक घाबरतात. जन्मकुंडलीत राहू आणि केतू एका बाजूला असताना इतर ग्रह त्यांच्यामध्ये येतात तेव्हा कालसर्प दोष तयार होतो. भगवान शिवची पूजा करून तुम्ही या दोषाचा प्रभाव कमी करू शकताच. श्रावण महिन्यातील सोमवारी शिवपंचाक्षर स्तोत्राचे पठण केल्याने कालसर्प दोषाचा प्रभाव कमी होतो. तुम्ही दर सोमवारीही त्याचे पठण करू शकता.
शिवपंचाक्षर स्तोत्राचे महत्व
शिवपंचाक्षर स्तोत्राच्या पाच श्लोकांमध्ये 'नम: शिवाय' म्हणजेच 'न', 'म', 'शि', 'व' आणि 'य' भगवान शंकराच्या रूपाचे वर्णन करतात. यात भगवान शिवाच्या स्तुतीबद्दल लिहिले आहे आणि भगवान शंकराचे रूप आणि गुण स्पष्ट केले आहेत. अशा स्थितीत श्रावणाच्या सोमवारी या स्तोत्राचे पठण केल्याने शिवजी खूप प्रसन्न होतात. म्हणूनच भगवान शिवाच्या पूजेमध्ये आणि विशेषत: सोमवारी या स्तोत्राचा पाठ करा. यासोबतच कुंडलीत कालसर्प दोष किंवा योग असल्यास या स्रोताचे पठण अवश्य करावे.
शिवपंचाक्षर स्तोत्र
नागेंद्रहाराय त्रिलोचनाय भस्मांग रागाय महेश्वराय।
नित्याय शुद्धाय दिगंबराय तस्मे न काराय नम: शिवाय:।।
मंदाकिनी सलिल चंदन चर्चिताय नंदीश्वर प्रमथनाथ महेश्वराय।
मंदारपुष्प बहुपुष्प सुपूजिताय तस्मे म काराय नम: शिवाय:।।
शिवाय गौरी वदनाब्जवृंद सूर्याय दक्षाध्वरनाशकाय।
श्री नीलकंठाय वृषभद्धजाय तस्मै शि काराय नम: शिवाय:।।
वशिष्ठ कुभोदव गौतमाय मुनींद्र देवार्चित शेखराय।
चंद्रार्क वैश्वानर लोचनाय तस्मै व काराय नम: शिवाय:।।
यज्ञस्वरूपाय जटाधराय पिनाकस्ताय सनातनाय।
दिव्याय देवाय दिगंबराय तस्मै य काराय नम: शिवाय:।।
पंचाक्षरमिदं पुण्यं य: पठेत शिव सन्निधौ।
शिवलोकं वाप्नोति शिवेन सह मोदते।।
नागेंद्रहाराय त्रिलोचनाय भस्मांग रागाय महेश्वराय।
नित्याय शुद्धाय दिगंबराय तस्मे ‘न’ काराय नमः शिवायः।।
