'जगण्यासाठी पैसे नाही आनंद लागतो' म्हणत महिलेनं मुलीसह केली आत्महत्या
औरंगाबाद | सचिन बडे : वैवाहिक आयुष्यात येणाऱ्या वेगवेगळ्या अडचणींमुळे होणाऱ्या आत्महत्यांचं (Suicide Case) प्रमाण दिवसेंदिवस वाढत जात आहे. यामध्ये सासरच्या जाचाला कंटाळून होणाऱ्या आत्महत्या देखील तेवढ्याच प्रमाणात आहेत. अशातच औरंगाबादेत (Aurangabad) एक मन हेलावून टाकणारी घटना घडली आहे. वैवाहिक आयुष्यातील काही अडचणींना कंटाळलेल्या एका महिलेनं चिमुरडीसह रेल्वेतून उडी घेतल्याची घटना समोर आली आहे. या घटनेमुळे हळहळ व्यक्त केली जात आहे. भावाला आणि पतीला व्हाट्सअप मेसेज करून रेल्वेतून उडी मारून महिलेने 3 वर्षाच्या चिमुरडीसह या महिलेने आत्महत्या केली.
सासरच्या जाचाला ही महिला अत्यंत कंटाळली होती. लग्न झाल्यापासून वारंवार होणारी भांडणं आणि त्यानंतर निर्माण होणारा तणाव यामुळे पीडित महिला कंटाळली होती. त्यामुळे या महिलेने अखेर आपलं जीवन संपवण्याचा निर्णय घेतला. यावेळी या महिलेने आपल्या पतीला टाकलेला मेसेज मन हेलावून टाकणारा होता. "जगण्यासाठी पैसा लागत नाही, तर आनंद लागतो" असा व्हाट्सअप मेसेज या महिलेने आपल्या पतीला केला.
तसंच सासुबाई दुसऱ्यांच्या मुलींना फसवू नका आणि मुलाला आतातरी मांडीवरून उतरवा असा मेसेजही आत्महत्यापूर्वी केलेवा आहे. पुनम विसपुते असे या महिलेचे नाव असून, शांभवी असं 3 वर्षीय चिमुकलीचं नाव आहे.
