'या' तारखेला अंधेरी, जोगेश्वरी परिसरात 12 तासांसाठी पाणीपुरवठा राहणार बंद

अंधेरी, जोगेश्वरी परिसरात 12 तासांसाठी पाणीपुरवठा बंद ठेवण्यात येणार आहे. सोमवारी मध्यरात्री 1 वाजल्यापासून दुपारी 1 वाजेपर्यंत अंधेरी, जोगेश्वरीचा पाणीपुरवठा बंद राहणार आहे. वेरावली जलाशय येथे 900 मिलीमीटर व्यासाच्या वाहिनीवरील झडपा बदलण्याच्या कामामुळे पाणीपुरवठा बंद ठेवण्यात येणार आहे.

मुंबई महानगरपालिकेच्या जल अभियंता विभागातर्फे वेरावली जलाशय 2 येथे 900 मिलीमीटर व्यासाच्या वाहिनीवरील झडपा बदलण्याचे काम सोमवारी 2 सप्टेंबर 2024 रोजी मध्यरात्री 1 वाजल्यापासून दुपारी 1 वाजेपर्यंत करण्यात येणार असल्यामुळे हा पाणीपुरवठा बंद ठेवण्यात येणार आहे.