Vijayadashami : नागपूरच्या रेशीम बागेत राष्ट्रीय स्वयंसेवक संघाचा दसरा मेळावा

नागपूरमध्ये राष्ट्रीय स्वयंसेवक संघाचा दसरा मेळावा आयोजित करण्यात आला आहे. इस्रोचे माजी अध्यक्ष डॉ.के.राधाकृष्णन प्रमूख पाहुणे म्हणून उपस्थित राहणार आहेत. तसेच केंद्रिय मंत्री नितीन गडकरी, उपमुख्यमंत्री देवेंद्र फडणवीस यांच्यासह भाजपचे ईतर नेते उपस्थित राहतील.

राष्ट्रीय स्वयंसेवक संघाचा दसरा मेळावा रेशीम बाग मैदानात आयोजीत करण्यात आला असून आगामी विधानसभा निवडणूक आणि संघाचे शताब्दी वर्षांत पदार्पण असल्याने आज होणाऱ्या सोहळ्यास विशेष महत्व असणार आहे.

या राष्ट्रीय स्वयंसेवक संघाच्या दसरा मेळाव्यातून सरसंघचालक मोहन भागवत त्यांच्या भाषणातून काय बोलणार हे पाहणं महत्वाचं ठरणार आहे. सकाळी साडेसात वाजताच्या सुमारास रेशीमबाग मैदानावरील मुख्य सोहळा सुरू होणार असून रेशीम बाग आणि जवळपासच्या परिसरात पथसंचलन होणार आहे.