मुंबई : विधान परिषद निवडणुकीसाठी सर्व आमदारांचे मतदान पूर्ण झाले असून 5 वाजता मतमोजणीला सुरुवात होणार आहे. यामुळे सर्वच उमेदवारांची धाकधूक आता वाढली आहे. कोण होणार विजयी, याकडे सर्वांचेच लक्ष लागून राहिले आहे.
विधान परिषदेच्या 10 जागांसाठी 11 उमेदवार रिंगणात असून महाविकास आघाडीकडून 6 तर भाजपकडून 5 उमेदवार लढत आहेत. भाजप विरुध्द महाविकास असा थेट सामाना रंगला आहे. विधान परिषदेसाठी सर्व आमदारांचे मतदान पूर्ण झाले असून 285 आमदारांनी मतदानाचा हक्क बजावला आहे. आता 5 वाजता मतमोजणीला सुरुवात होणार आहे. यामुळे उमेदवारांची धाकधूक वाढली आहे. तर, तिसऱ्या पसंतीचे मत काँग्रेसच्या उमेदवाराचा विजय ठरवणार आहे.
विधानसभा निवडणुकीसाठी उमेदवार
भाजप : प्रवीण दरेकर, राम शिंदे, श्रीकांत भारती, उमा खापरे, प्रशांत लाड
राष्ट्रवादी कॉंग्रेस : एकनाथ खडसे, रामराजे निंबाळकर
शिवसेना : सचिन अहिर आणि आमशा पाडवी
कॉंग्रेस : भाई जगताप आणि चंद्रकांत हंडोरे
