म्हाडाची बनावट वेबसाईट बनवल्याप्रकरणी आणखी दोघांना अटक

म्हाडाची बनावट वेबसाईट बनवल्याप्रकरणी आणखी दोघांना अटक करण्यात आल्याची माहिती मिळत आहे. वेब डेव्हलपर आणि ग्राफिक डिझायनरला अटक केली आहे. याच्याआधी बनावट संकेतस्थळ बनवणारा आणि म्हाडाचा अधिकारी असल्याचा बनाव करणाऱ्या अश्या दोघांना अटक करण्यात आली होती.

त्यानंतर आता वेब डेव्हलपर आणि ग्राफिक डिझायनरला अटक केली आहे. या बनावट संकेतस्थळाच्या माध्यमातून यांनी अनेकांना लाखोंचा गंडा घातला होता. बनावट वेबसाईटवर अर्ज प्रक्रिया न राबवताच थेट पेमेंटचा पर्याय असून इच्छुकांकडून प्रत्येकी ५०,००० ऑनलाईन भरून बनावट पावत्या दिल्याचं तपासात उघड झालं आहे.

त्यामुळे आता अर्ज करण्यासाठी अधिकृत संकेतस्थळाचा वापर करण्याचं पोलिसांकडून आवाहन करण्यात आलं आहे.