क्रिकेटच्या नव्हे, राजकीय मैदानात उतरणार युसूफ पठाण, तृणमूल काँग्रेसने बहरामपूरमधून दिली उमेदवारी

आगामी होणाऱ्या लोकसभा निवडणुकीच्या पार्श्वभूमीवर सर्वच राजकीय पक्षांनी विविध मतदारसंघात उमेदवार घोषीत करायला सुरुवात केलीय. दरम्यान, तृणमूल काँग्रेसने भारताचा माजी क्रिकेटर युसूफ पठाणला बहरामपूर मतदार संघात लोकसभेच्या उमेदवारीचं तिकिट दिलं आहे. काँग्रेसच्या अधीर रंजन चौधरींविरोधात युसूफ पठाण मैदानात उतरणार आहे.

तृणमूल काँग्रेसने २०२४ च्या लोकसभा निवडणुकीसाठी आपल्या उमेदवारांची यादी जाहीर केली आहे. या पक्षाच्या यादीत एकूण ४२ उमेदवारांची नावे आहेत. दिग्गज क्रिकेटपटू युसूफ पठाणला बहरामपूरमधून तिकीट देण्यात आलं असून ते अधीर रंजन चौधरी यांच्याविरुद्ध लढणार आहे. आता या निवडणुकीत कोणता उमेदवार बाजी मारणार, हे पाहणं महत्वाचं ठरणार आहे.