विधानसभा निवडणुकीमुळे शाळांना तीन दिवस सुट्टी?

थोडक्यात

• विधानसभा निवडणुकीसाठी 20 नोव्हेंबरला मतदान होणार

• निवडणुकीमुळे शाळांना तीन दिवस सुट्टी?

• आवश्यकतेनुसार निर्णय घेण्याचे शिक्षण विभागाचे शिक्षण आयुक्तांना निर्देश

निवडणुकांचे बिगुल वाजलं आहे. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. विधानसभा निवडणुकांमुळे शाळांना तीन दिवस सुट्टी असल्याची माहिती मिळत आहे.

याच पार्श्वभूमीवर 18, 19 आणि 20 नोव्हेंबर रोजी शाळांना सुट्टी देण्याचा प्रस्ताव शिक्षण आयुक्तालयाने शिक्षण विभागाला सादर केला होता. शिक्षण विभागाचे उपसचिव तुषार महाजन यांनी परिपत्रकाद्वारे शिक्षण आयुक्तांना निर्देश दिले आहेत.

निवडणूकीच्यावेळी कामकाज आणि मतदानाच्या प्रक्रियेत शिक्षकांचा देखील समावेश असतो. शाळांमध्ये देखील मतदान केंद्र असतात. त्यामुळे आवश्यकतेनुसार निर्णय घेण्याचे शिक्षण विभागाचे शिक्षण आयुक्तांना निर्देश देण्यात आल्याची माहिती मिळत आहे.