Maharashtra Rain Update: राज्यात पावसाचा जोर पुन्हा वाढण्याची शक्यता

आज हवामान विभागाने कोल्हापूर जिल्ह्याला बहुतांशी ठिकाणी जोरदार ते अती जोरदार पावसाचा रेड अलर्ट दिला आहे. तर सिंधुदूर्ग, रत्नागिरी, रायगड, पुणे आणि सातारा जिल्ह्यात काही ठिकाणी जोरदार पावसाचा ऑरेंज अलर्ट हवामान विभागाने दिला.

तर विदर्भातील सर्वच जिल्हे तसेच जालना, परभणी, हिंगोली आणि नांदेड जिल्ह्यात काही ठिकाणी जोरदार पावसाचा येलो अलर्ट देण्यात आला आहे. मराठवाड्यातील इतर भागात आणि खानदेशात काही ठिकाणी हलक्या ते मध्यम पावसाचा अंदाजही हवामान विभागाने दिला.

तर पालघर, ठाणे, मुंबई, नाशिक, वाशीम, यवतमाळ, चंद्रपूर, नागपूर, गडचिरोली जिल्ह्यांत तुरळक ठिकाणी जोरदार पावसाचा इशारा ‘यलो अलर्ट’ आहे. उर्वरित विदर्भ, मराठवाड्यात विजांसह पावसाच्या सरी कोसळण्याची शक्यता आहे.