शासकीय वैद्यकीय महाविद्यालयाचे आज पंतप्रधान नरेंद्र मोदींच्या हस्ते ऑनलाईन पद्धतीने उद्घाटन होणार
शासकीय वैद्यकीय महाविद्यालयाचा आज उद्घाटन सोहळा पार पडणार आहे. महाराष्ट्र आरोग्य विज्ञान विद्यापीठामध्ये या सोहळ्याचं आयोजन करण्यात आले आहे. पंतप्रधान नरेंद्र मोदी यांच्या हस्ते ऑनलाईन पद्धतीने शासकीय वैद्यकीय महाविद्यालयाचे उद्घाटन होणार आहे.
सकाळी 11 वाजता पंतप्रधान नरेंद्र मोदी यांच्या हस्ते शासकीय वैद्यकीय महाविद्यालयाचे उद्घाटन होईल. या कार्यक्रमासाठी मंत्री छगन भुजबळ, दादा भुसे आणि विधानसभा उपाध्यक्ष नरहरी झिरवाळ हे उपस्थित राहणार आहेत.
यासोबतच अमरावतीतही शासकीय वैद्यकीय महाविद्यालय व रुग्णालयाचे उद्घाटन होणार असून अमरावती जिल्हा नियोजन समिती सभागृहात सकाळी 11 वाजता ऑनलाइन पद्धतीने पंतप्रधान नरेंद्र मोदी यांच्या हस्ते उद्घाटन होणार आहे.
तसेच गडचिरोली मेडिकल कॉलेजचे देखील पंतप्रधान नरेंद्र मोदी यांच्या हस्ते ऑनलाईन उद्घाटन करण्यात येणार आहे.
