Monsoon Alert : महाराष्ट्रातसह अनेक राज्यात पावसाचा जोर वाढण्याची शक्यता...

मान्सूनची वाट पाहता पाहता बऱ्याच राज्यात मान्सूनला सुरूवात झाली आहे. महाराष्ट्रामध्येही मान्सूनला सुरूवात झाली असून आता बिहार आणि झारखंड राज्यात मान्सून लवकरच दाखल झाला आहे. पुढील दोन ते तीन दिवस मान्सून मध्य प्रदेशच्या आणखी काही भागात दाखल होण्याची शक्यता आहे.

मध्य प्रदेशाच्या लगतच्या परिसरात मान्सून दाखल होण्याचा अंदाज असून आता मध्य महाराष्ट्र, विदर्भ, दक्षिण व उत्तर कोकणात पावसाचा जोर वाढणार असल्याची माहिती हवामान खात्याने दिली आहे.

हवामान खात्यानुसार गेल्या २४ तासांत कोकण, गोव्यात काही ठिकाणी तर विदर्भ, मध्य महाराष्ट्र तसेच मराठवाड्यात बऱ्याच ठिकाणी तुरळक पावसाची नोंद झाली आहे.

महाराष्ट्र राज्यात पावसाचा जोर वाढण्याची शक्यता आहे. तर काही ठिकाणी मध्यम ते जोरदार पावसाची शक्यता आहे. मध्य महाराष्ट्र, विदर्भ, दक्षिण कोकणात आजपासून अतिमुसळधार पावसाची अंदाज हवामान खात्याने वर्तवला आहे.