राज्यात परतीचा पाऊस पुन्हा सुरु होणार

राज्यात परतीचा पाऊस पुन्हा सुरु होणार असल्याची माहिती मिळत आहे. राज्यात पावसासाठी पोषक वातावरण तयार होत आहे.आज महाराष्ट्राच्या दक्षिणेकडील भागात वादळी वारे आणि विजांच्या कडकडांटासह पाऊस पडणार असल्याचा अंदाज व्यक्त करण्यात आला आहे.

मुंबई, ठाणे, रत्नागिरी, सिंधुदुर्ग आणि पश्चिम महाराष्ट्रात आज पावसाची शक्यता वर्तवण्यात आली आहे. पावसाने काही दिवस विश्रांती घेतली होती.

आता पुन्हा एकदा परतीचा पाऊस सुरु होणार असल्याची माहिती मिळत आहे.काही ठिकाणी ढगाळ वातावरण राहणार असून अधून मधून पावसाचा अंदाज वर्तवण्यात आला आहे.

काही भागात वादळी वारे आणि विजांच्या कडकडाटासह मुसळधार पाऊस पडणार असल्याचे सांगण्यात येत आहे. काही जिल्ह्यात पावसाचा यलो अलर्ट जारी करण्यात आला आहे.