Rahul Gandhi : राहुल गांधी यांना आज पुणे न्यायालयात हजर राहण्याचे आदेश

राहुल गांधी यांच्याविरोधात पुण्यात फौजदारी गुन्हा दाखल करण्यात आला आहे. राहुल गांधी यांना आज पुणे न्यायालयात हजर राहण्याचे आदेश देण्यात आल्याची माहिती मिळत आहे.

स्वातंत्र्यवीर सावरकर यांच्याविषयी वादग्रस्त वक्तव्य केल्याप्रकरणी काँग्रेस नेते राहुल गांधी यांना येथील प्रथमवर्ग न्यायदंडाधिकाऱ्यांनी आज न्यायालयात हजर राहण्याचे आदेश दिले आहेत.

न्यायदंडाधिकारी अक्षी जैन यांच्या न्यायालयात या प्रकरणाची सुनावणी सुरू असून राहुल गांधींना आज पुणे कोर्टात म्हणणे मांडावे लागणार आहे. राहुल गांधी न्यायालयात हजर राहून आपले म्हणणे मांडणार का? हे पाहणं महत्वाचे ठरणार आहे.