Pune Rain: पुण्यात पावसाचा आज रेड अलर्ट

परतीच्या पावसाला सुरुवात झाली असून काही ठिकाणी राज्यात जोरदार पाऊस पडत आहे. पुण्यातही काही ठिकाणी पावसाने हजेरी लावली. याच पार्श्वभूमीवर पुणे जिल्ह्याला आज पावसाचा रेड अलर्टचा इशारा देण्यात आल्याची माहिती मिळत आहे.

जिल्ह्याच्या घाट परिसरात पावसाचा जोर राहणार आहे. शहर आणि उपनगरातही जोरदार पावसाचा अंदाज वर्तवण्यात आला आहे. जोरदार पाऊस पडण्याची शक्यता वर्तवण्यात आली आहे.

काल शहर आणि उपनगरात सलग दुसऱ्या दिवशी वादळी वारे, मेघगर्जनेसह मुसळधार पावसाने हजेरी लावल्याचे पाहायला मिळाले. मुसळधार पावसामुळे रस्ते जलमय होऊन वाहनचालकांची देखील तारांबळ उडाली होती.

त्यामुळे पुणे जिल्ह्याला आज रेड अर्लटचा इशारा देण्यात आला असून जोरादार पाऊस होण्याची शक्यता हवामान विभागाने वर्तवली आहे. यासोबतच कोकण किनारपट्टीवरील सिंधुदुर्ग, रत्नागिरी, तसेच मुंबई, ठाणे, पालघर, नाशिक, अहमदनगर आणि वाशिम या जिल्ह्यांना ऑरेंज अलर्ट देण्यात आला आहे.