कल्याणमधून पी एफ आय कार्यकर्ता पोलिसांच्या ताब्यात

अमजद खान, कल्याण

कल्याणमधील पी एफ आय कार्यकर्ता फरदीन पैकरला कल्याणच्या बाजारपेठ पोलिस आणि ठाणे खंडणी विरोधी पथकाने संयुक्त कारवाईं करत ताब्यात घेतले आहे. फरदीन कल्याण मधील रोहिदास वाडा परिसरात राहत आहे. आज पहाटेच्या सुमारास फरदीनला ताब्यात घेतलं असून त्याची चौकशी सुरू आहे. दरम्यान फरदीन ने कोणतेही चुकीचं कृत्य केलं नाही ,आमचा कायद्यावर पूर्ण विश्वास असल्याची प्रतिक्रिया त्याच्या नातेवाईकांनी दिली आहे.

देशभरात पी एफ आय या संघटनेविरोधात देशातील सुरक्षा यंत्रणेने कारवाई सुरू केली आहे . कल्याणमध्ये देखील आज पहाटेच्या सुमारास ठाणे खंडणी विरोधी पथक आणि बाजारपेठ पोलिसांनी संयुक्त कारवाई करत पीएफआय कार्यकर्ता फरदीन पैकर याला ताब्यात घेतलं. फरदीन आपल्या आई आणि पत्नी सोबत कल्याण पश्चिमेकडील रोहिदास वाडा परिसरात आझाद चाळीत राहत आहे .अनेक वर्षांपासून या परिसरात तो सामाजिक कार्य करत असल्याची माहिती देखील समोर येतेय

बाजारपेठ पोलिसांनी त्याला ताब्यात घेत त्याची चौकशी सुरू केली या चौकशीत काय निष्पन्न होतो याकडे आता सर्वांचाच लक्ष लागले आहे.