'अग्निपथ' योजना मागे घेणार नाही, आंदोलकांना सैन्यात प्रवेश नाही; लष्कराचे स्पष्टीकरण

Agnipath Scheme : 'अग्निपथ' संदर्भात देशातील अनेक राज्यांमध्ये हिंसक निदर्शने होत असताना, लष्कराने (Army) रविवारी ही योजना मागे घेतली नसल्याचे स्पष्ट केले. रविवारी तिन्ही दलांच्या संयुक्त पत्रकार परिषदेत आता यातूनच सर्व भरती होणार असल्याचे सांगण्यात आले. पत्रकार परिषदेदरम्यान, डीएमएचे अतिरिक्त सचिव, लेफ्टनंट जनरल (Lieutenant General) अनिल पुरी म्हणाले की, ज्याला आमच्यासोबत 'अग्नवीर'मध्ये सामील व्हायचे आहे तो कोणत्याही प्रदर्शनाचा किंवा तोडफोडीचा भाग नसावा. (no rollback of agnipath scheme says ltgeneral anil puri additional secy dept of military affairs mod)

पोलीस पडताळणीशिवाय कोणीही सैन्यात भरती होऊ शकत नाही. त्यामुळे आंदोलक विद्यार्थ्यांनी आपला वेळ वाया घालवू नये, असे आवाहन करण्यात आले आहे. जर त्यांच्या विरोधात एफआयआर दाखल झाला तर ते सैन्यात भरती होऊ शकत नाहीत... इच्छुकांना नावनोंदणी फॉर्मचा भाग म्हणून लिहिण्यास सांगितले जाईल की ते जाळपोळीचा भाग नव्हते, त्यांची पोलिस पडताळणी केली जाईल.

'एफआयआर असलेल्या उमेदवारांना लष्करात स्थान नाही'

लेफ्टनंट जनरल अनिल पुरी म्हणाले की, शिस्त हा भारतीय लष्कराचा पाया आहे. त्यात जाळपोळ, तोडफोड कऱ्यांना स्थान नाही. प्रत्येकाला दंगलीचा आपण भाग नसल्याचे प्रमाणपत्र द्यावे लागेल. पोलिस पडताळणी 100% आहे, त्याशिवाय कोणीही सामील होऊ शकत नाही. लेफ्टनंट जनरल अनिल पुरी म्हणाले की, सशस्त्र दलांसाठी शिस्त ही मूलभूत गरज आहे. कोणत्याही उमेदवाराविरुद्ध एफआयआर असल्यास ते त्यात सहभागी होऊ शकत नाहीत.

डीएमएचे अतिरिक्त सचिव, लेफ्टनंट जनरल अनिल पुरी म्हणाले की, 'अग्नवीर'ला सियाचीन आणि इतर भागात समान भत्ता मिळेल जो सध्या कार्यरत असलेल्या नियमित सैनिकांना लागू आहे. त्यांच्याशी सेवेच्या बाबतीत कोणताही भेदभाव केला जाणार नाही.

एअर मार्शल एस.के.झा म्हणाले की, डिसेंबर अखेरपर्यंत 'अग्नवीर'ची पहिली तुकडी हवाई दलात दाखल होईल आणि ३० डिसेंबरपूर्वी या तुकडीचे प्रशिक्षण सुरू होईल. भारतीय हवाई दलात 'अग्निवीर'ची पहिली तुकडी घेण्याची प्रक्रिया 24 जूनपासून सुरू होणार आहे. ही एक ऑनलाइन प्रक्रिया आहे. त्याअंतर्गत त्यावर नोंदणी सुरू होईल. एक महिन्यानंतर 24 जुलैपासून पहिल्या टप्प्यातील ऑनलाइन परीक्षा सुरू होणार आहे. तत्पूर्वी, गृहमंत्री राजनाथ सिंह यांच्या अध्यक्षतेखाली ‘अग्निपथ’ योजनेबाबत सलग दुसऱ्या दिवशी तिन्ही दलांच्या प्रमुखांची बैठक झाली.